Skip to main content

Conto Carpon (Carita Pondok) Basa Sunda

Budak Koruptor

(karya: Lulu Asmi Lathifah S.)

Di SMP Merdeka, aya hiji budak istri nu pada dipikaresep ku babaturanna. salain bageur, manehna teh pinter deuih. Alin, hiji-hijina putri bupati Kabupaten Galih. Predikat “anak bupati” nu disandang ku Alin oge ngajadikeun manehna kakoncara di sakolana.
“Lin, engke pangajarkeun Fisika nya...”
“Alin, Uih sakola ngerjakeun PR Matematika sasarengan, yu...”
Emang bener, seueur pisan rerencangan Alin nu sok nyungkeun bantosan ka Alin. Sanajan anak bupati, Alin mah teu sombong. Alin sok ngabantuan rerencanganna, oge ngabaur sareng nu sanesna. Tapi, angger weh, sa sae-saena jalmi, aya weh nu teu mikaresep mah. Mia, saingan Alin ti kelas 7 keneh, nepi ka ayeuna, kelas 9.  Ti kelas 7, Alin nu sok ‘ngahalangan’ Mia jadi nu kahiji di kelasna. Mia mah sok jadi nu kadua wae, tangtuna di handapeun Alin. Hal eta nu ngajadikeun Mia teu mikaresep Alin.
Di bumi na, Alin caket pisan sareng bapana. Ibuna Alin tos ngantunkeun basa Alin kelas 3 SD. Sanajan bapa na sibuk salaku wakil rahayat, tapi anjeunna sok ngaluangkeun waktos na kanggo Alin. Dinu waktos eta teh, Alin sok cumarita jeung bapa na, oge sok naroskeun tugas nu teu kahartos.
Hiji waktos, jam 4 sonten, Alin tos calik di ruang tamu ngantosan bapana. Pananganna nyekel buku PKn, kaleresan aya nu bade ditaroskeun ka bapana. “Duh, kamana Bapa teh? Biasana jam sakieu tos uih.” saur Alin. Teu kungsi lami, aya telepon kanu HP Alin. Alin langsung ngangkat telepon eta, ai pek teh bapa na nu nelepon.
“Assalamu’alaikum. Alin, bapa sigana teu tiasa uih heula dinten ieu teh..”
“Wa’alaikumussalam. Oohh.. Naha, pa? Alin sareng saha atuh di bumi?”
“Puntennya, Lin. Bapa aya urusan heula di kantor. Di bumi aya kan bi Rani. Eh, atos heula nya, Lin. Assalamu’alaikum.”
“Hmm.. Muhun atuh, pa. Wa’alaikumussalam.”
Teleponna ditutup. Ninggalkeun rasa bingung, sepi, jeung teu ngeunah di hate Alin. “Kunaonnya bapa teh asa benten..” saur Alin. Tapi Alin teu mikiran teuing hal nu tadi. Alin langsung ngerjakeun tugas PKn nu tadina bade ditaroskeun ka bapana.
Jam 4 subuh, Alin tos gugah. Alin langsung kaemutan ka bapana. Alin ningali ka kamar bapana. Tapi teu aya sasaaha. Kasur na ge rapih keneh. Berarti bapana teu acan uih.
Jam satengah 7, Alin angkat ka sakola. Pas di jalan, aya SMS ti bapana nu eusina kieu : “Lin, punten pisan. Tapi Insya Alloh Bapa mah jujur..” Alin bingung, “Naon ieu maksadna?”. Alin nyobian nelepon ka bapa na.Tapi teu diangkat, nu aya ngan sora oprator. Alin neruskeun perjalanan ka sakola bari pinuh ku ‘tanda tanya’.
Dugi ka kelasna, rerencanganna raribut. Teu siga biasana, sadayana ngajarauhan Alin. Alin ngarasa aneh. Di antara kumpulan barudak eta, aya nu ngagorowok, “Awas, aya budak koruptor!”. Suara eta, nyaeta sorana Mia. Mia ngadeukeutan Alin nu aya di caket panto bari ningalikeun 1 koran. Alin ningali judul salasahiji beritana, ‘Bupati Galih Diduga Korupsi’. Alin langsung ngarebut koran eta. Teu salah, jelas-jelas dinu koran eta aya poto bapana. “Huuuu...”, barudak sakelasna nyurakan Alin. Alin lumpat kaluar kelas. Teu percaya. “Jadi ieu nu dimaksud bapa teh.. Tapi teu mungkin!” saur Alin. Ti dinya, mental Alin bener-bener turun. Nilai-nilai na tarurun. Sampaikeun ahirna, posisina nu kahiji di kelas kagentos ku Mia. Puguh weh, Mia teh ngalelewe Alin. “Hahaha.. Da budak koruptor mah moal mungkin jadi nomer hiji!” ceuk Mia ka Alin. Alin keuheul, “Heh! Abi mah sanes budak koruptor! Bapa abi mah moal mungkin kitu! Pasti aya nu ngafitnah!” saur Alin bari ninggalkeun Mia. “Kuma dinya!”, Mia ngagorowok.
2 dinten ti dinya, masih dinu rasa kasedihna, aya nu nelepon Alin, nomerna teu dikenal. Alin ngangkat teleponna, “Assalamu’alaikum, Alin?” sora disebrang telepon asa teu asing deui. “Wa’alaikumussalam, ieu.. Ieu.. Ieu bapa?”, sora Alin geumpeur. “Muhun, Lin! Ieu bapa! Puntennya bapa teu masihan kabar. Alin tos terang kan masalahna?”, saur bapana Alin. “Muhun, Pa. Berita eta teh teu leres kan, Pa?”, Alin hariwang. “Alhamdulillah, Lin. Teu leres berita eta teh. Aya nu ngapitnah bapa.. Tos nya, enjing bapa uih, tong hariwang deui, Lin.” saur bapana. “Alhamdulillah.. Muhun, pa..”
Telepon ti bapana ngajadikeun Alin tenang. Tapi, aya hiji pertanyaan di bayangan Alin. “Saha nu ngafitnah bapa?”. Alin ningali koran dinten ayeuna. Leres we, bapana di pitnah, nu mitnah jeung nagdamel bukti palsu teh nyaeta asistenna, Pa Dodo. “Eh, Pa Dodo? Sanesna Pa Dodo teh bapana Mia, nya?” saur Alin dinu hate.
Enjingna, pas lebet sakola, rerencangan Alin langsung nyarungkeun hapunten ka Alin. “Lin, puntennya, abi sok ngalelewe Alin, padahal sanes bapana Alin nu korup teh. Tuh, bapana Mia!” saur salasahiji rerencanganna. Saatos kitu, jol Mia ti luar kelas. Cai soca ngabaseuhan pipi na. Mia langsung ngagabrug Alin. “Lin, puntennya abi seueur pisan kalepatan ka Alin.” saur Mia. “Muhun, ku abi tos dihapunten da. Mudah-mudahan masalah bapa Mia enggal rengse nya..” saur Alin.
Tidinya, Alin sareng Mia jadi akur. Sanajan bapana Mia di penjara, Mia sabar, tangtuna di bere motivasi ku Alin.

Comments

Post a Comment

Popular posts from this blog

Perbandingan Trigonometri untuk Sudut-sudut Berelasi

Perbandingan Trigonometri  Sudut (90 o - α o ) sin (90 o - α o ) = cos α o cot (90 o - α o ) = tan α o cos (90 o - α o ) = sin α o sec (90 o - α o ) = cosec α o tan (90 o - α o ) = cot α o cosec (90 o - α o ) = sec α o

Contoh Cerpen Berdasar Pengalaman Orang Lain

Dunia itu Sempit! (Lulu Asmi Lathifah S. X-Aksel) Gadis itu perlahan membuka matanya. Cahaya matahari yang menembus celah-celah tirai kamarnya membuatnya terbangun dari mimpinya. “Husna! Bangun, sudah siang!” Suara dari luar kamarnya membuatnya terdorong untuk beranjak dari tempat kesayangannya; kasurnya. “Iya, Maa..” Husna menyahut dengan malas. Dia berjalan kearah pintu kamarnya, saat ia membuka pintu kamarnya, ibu nya sedang berdiri tepat di hadapannya. “Aduh, Ma.. Ini kan hari libur! Kok pagi-pagi gini udah ngebangunin Husna, sih?” “Hey, sekarang sudah siang, jam 8 lho.” kata ibunya sambil mengelus rambut Husna. “Mama.. Kalau hari libur, jam 8 itu masih pagi, Ma..”